MUSIC

សេលីណា (Selina) – ស្រឡាញ់រកតែស្រីស្អាត (Srolanh Rok Tae Srey Sart) [OFFICIAL AUDIO] | 4 months ago

HEART BEAT FGG | 4 months ago

FGG “Mariah Carey – All I Want For Christmas Is You” Dance Cover FGG | 4 months ago

Carabao Concert FGG | 4 months ago

NEWS

ជំរាបសួរបងប្អូនទាំងអស់គ្នា! ថ្ងៃនេះ

ជំរាបសួរបងប្អូនទាំងអស់គ្នា! ថ្ងៃនេះ ពួកយេីងមានកិត្តិយសក្នុងការបង្ហាញជូននូវសកម្មភាពធីតាឯកសង្ក្រាន្តទាំង៧រូប ក្នុង “កម្មវិធីចែករំលែកក្ដីស្រលាញ់ជាមួយ ធីតាឯកសង្ក្រាន្តរដូវកាលទី២” ដែលធ្វេីឡេីងនៅឯ មណ្ឌលកុមារកំព្រា ២ធ្នូ ដែលស្ថិតនៅខេត្ត កំពង់ឆ្នាំង ក្នុងគោលបំណងចែករំលែកក្តីស្រលាញ់ជូនប្អូនៗកុមារកំព្រា និង ផ្សព្វផ្សាយសកម្មភាពមនុស្សធម៌ ពិសេសវប្បធម៌ចែករំលែកកំឡុងពេលការរីករាលដាលនៃជំងឺកូវីត១៩ ❤️ ក្រៅពីនាំយក ស្បៀងអាហារ និងកាដូរអនុស្សាវរីយ៏ ធីតាឯកសង្ក្រាន្តទាំង៧រូបបានចំណាយពេលវេលាក្នុងការបណ្ដុះគំនិត ក៏ដូចជាជជែកលេងកំសាន្តជាមួយនឹងប្អូនៗ ក៏ដូចជាបង្កេីតសកម្មភាពមួយចំនួនដូចជា ការប៉ាតបាតដៃលេីគំនូរលេីជញ្ជាំង ការអានសៀវភៅ ការរាំកំសាន្ត និង ការពិសារអាហារដ៏មានឪជារសផងដែរ ❤️ ធីតាឯកសង្ក្រាន្តទាំង៧រូប សូមផ្ញេីស្នាមញញឹមរបស់កុមារកម្ពុជាដ៏គួរអោយស្រលាញ់ទាំងអស់នេះ ជូនទៅកាន់ប្រជាពលរដ្ឋខ្មែរទាំងអស់ និង បួងសួងវត្ថុសាកសឹទ្ធិទាំងអស់អោយកម្ពុជាជៀសផុតពីជំងឺរីករាលដាលទាំងឡាយ ពិសេសនាំភាពសម្បូរសម្បាយមកកាន់ប្រជាជាតិកម្ពុជាយេីងទាំងមូល ❤️#ThidaEkSankranta #charity #Cambodia #FunEntertainment #Fun_Entertainment #SharingisCaring

សួស្តីបងប្អូនជនរួមជាតិទាំងអស់គ្នា

សួស្តីបងប្អូនជនរួមជាតិទាំងអស់គ្នា 🥰 អញ្ជេីញបងប្អូនមកមេីលរូបភាពមួយសន្លឹករបស់ធីតាឯកសង្ក្រាន្តរដូវកាលទី២ សាន កុសុមៈ Kosamak San ដែលបានបង្ហាញពីកែវភ្នែកដ៏មុតស្រួច ឆ្លុះបញ្ចាំងពីភាពរឹងមាំមិនចុះចាញ់របស់នារីខ្មែរនាសម័យបច្ចុប្បន្ន សាកសមនឹងពាក្យមួយឃ្លាថា «រឹងមាំ តែមិនរឹសរូស ទន់ភ្លន់តែមិនទន់ជ្រាយ»❤️ ជាការពិតណាស់ ស្ត្រីគឺពិតជាដេីរតួនាទី និងជាកម្លាំងចលករដ៏សំខាន់ក្នុងការសម្រេចកិច្ចការផ្សេងៗនៅក្នុងសង្គមរបស់យេីង ដូច្នេះយេីងត្រូវចេះអោយតម្លៃនារីអោយបានច្រេីនៗ ❤️

Open Call for Films | the 5th 86358 Village Short Film Week in 2021

 

Happy Children’s Day

រីករាយទិវាកុមារអន្តរជាតិ
សាកបិទភ្នែកសញ្ចឹងគិតត្រលប់ទៅកុមារភាពបន្តិច តើពេលវេលាមួយណាដែលអ្នកចងចាំបំផុតហើយចង់អោយវាកើតឡើងម្តងទៀត?
តោះ Comment ខាងក្រោមប្រាប់ Admin ម្នាក់មួយមក
Talents: La Tin & Pey Limey
Happy Children's Day
Let's take a moment and reminise back, what was the things you miss the most of your childhood?

មកគយគន់សម្រស់ធីតាឯកសង្ក្រាន្តរដូវកាលទី២ សាន្ត កុសុមៈ Kosamak San

ជាមួយនឹងសម្លៀកបំពាក់ដ៏ប្រណីតដែលបង្ហាញពីវប្បធម៌ប្រពៃណីដ៏ល្អផូរផង់របស់ខ្មែរយេីង ❤️ សម្រស់នារីខ្មែរមិនស្ថិតតែទៅលេីរូបសម្បត្តិតែមួយមុខនោះទេ ពោលគឺភាពទន់ភ្លន់ សីលធម៌ ចំណេះដឹង ពិសេសគឺ ភាពក្លាហានមុះមុតពិតជាដេីរតួនាទីយ៉ាងសំខាន់ក្នុងការធ្វេីអោយសម្រស់ស្ត្រីខ្មែរកាន់តែស្រស់ស្អាតលេចធ្លោថែមមួយកម្រិតទៀត
សម្លៀកបំពាក់ដោយ ប្រសិទ្ធសិរី សំអាងការ

San Kosamak will join the famous talk show,3FUN

ជំរាបសួរបងប្អូនទាំងអស់គ្នា! ធីតាឯកសង្ក្រាន្ត 2021 របស់យេីង កញ្ញា សាន្ត កុសុមៈ នឹងមានវត្តមានក្នុងកម្មវិធី 3Fun សប្ដាហ៏នេះ 🥰 កុំភ្លេចរង់ចាំទស្សនាទាំងអស់គ្នា ❤️ សូមថ្លែងអំណរគុណដល់
ប្រសិទ្ធសិរី សំអាងការ
សម្រាប់សម្លៀកបំពាក់ដ៏ស្រស់ស្អាត Hello everyone! Our Thida Ek Sankranta 2021, San Kosamak will join the famous talk show,3FUN this week! Please wait and see this weekly show!

Fun Entertainment’s Trainees.

🎉🎉 សូមស្វាគមន៍ចំពោះកំលោះៗវ័យក្មេងដែលពោរពេញទៅដោយទេពកោសល្យគឺ
Bennie Bennie
,
Pammy
, និង
Romeo Lee
ដែលក្លាយជា Trainee ជាផ្លូវការរបស់ក្រុមហ៊ុន Fun Entertainment។
សូមទន្ទឹងរង់ចាំតាមដានសកម្មភាពរបស់ពួកគាត់ទាំងអស់គ្នា ព្រោះពួកគេមានជំនាញឆក់យកបេះដូងទស្សនិកជនទាំងអស់គ្នាដោយមិនដឹងខ្លួន ❤️❤️
🎉🎉 Please kindly welcome our young and talented boys, Bennie, Pammy, and Romeo to be officially Fun Entertainment’s trainees.
Please look forward to their future activities as they will surely catch audience’s heart with their distinctive charm ❤️❤️

ឯកឧត្តម ខៀវ កាញារីទ្ធ អនុញ្ញាតឱ្យគណៈប្រតិភូក្រុមហ៊ុន Fun Entertainment ដឹកនាំធីតាឯកសង្ក្រាន្ត​ឆ្នាំ២០២១ និងសហការី ចូលជួបសម្តែងការគួរសម

AKP ភ្នំពេញ ថ្ងៃទី០៥ ខែមេសា ឆ្នាំ២០២១--

ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន អនុញ្ញាតឱ្យគណៈប្រតិភូក្រុមហ៊ុន Fun Entertainment ដឹកនាំធីតាឯកសង្ក្រាន្ត ឆ្នាំ២០២១ និងសហការី ចូលជួបសម្តែងការគួរសម និងប្រគល់អំណោយជាម៉ាសចំនួន ១២ ៥០០ម៉ាស តាមរយៈឯកឧត្តមរដ្ឋមន្ត្រីជូនដល់អគ្គនាយកដ្ឋានទាំង៥ ក្រោមឱវាទក្រសួង ដើម្បីចូលរួមចំណែកក្នុងការការពារការឆ្លងរាលដាលនៃជំងឺកូវីដ-១៩ នាព្រឹកថ្ងៃទី០៥ ខែមេសា ឆ្នាំ២០២១ នៅទីស្តីការក្រសួង។

ក្នុងឱកាសនោះ ឯកឧត្តម រដ្ឋមន្ត្រី បានសម្តែងនូវការគាំទ្រ ដល់កិច្ចសហការរវាងក្រុមហ៊ុន Fun Entertainment និងអគ្គនាយកដ្ឋានជាតិកម្ពុជា ក្នុងការផលិតកម្មវិធីវប្បធម៌ និងកម្មវិធីសំខាន់ៗដទៃទៀត។

រូបថត៖ ខឹម សុវណ្ណារ៉ា

 

H.E. Khieu Kanharith said congrats to Thida Ek Sankranta

ឯកឧត្តម ខៀវ កាញារីទ្ធ អបអរសាទរ ធីតាឯកសង្ក្រាន្ត រដូវកាលទី២ ប្រចាំឆ្នាំ២០២១

ចេញផ្សាយ ថ្ងៃទី

វិទ្យុជាតិកម្ពុជា៖ លោកស្រី ប៉ុង សុភាវី

ភ្នំពេញ៖ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន បានអបអរសាទរ កញ្ញា សាន្ត កុសុមៈ ដែលទទួលបានជ័យលាភីធីតាឯកសង្ក្រាន្ត រដូវកាលទី២  ឆ្នាំឆ្លូវ ត្រីស័ក ពុទ្ធសករាជ២៥៦៥ ។

ឯកឧត្តមរដ្ឋមន្រ្តីក្រសួងព័ត៌មាន បានសាទរនេះ នៅក្នុងឱកាស ទទួលជួប និងជូនអំណោយអនុស្សាវរីយ៍ ដល់ធីតាឯកសង្រ្កាន្ត រដូវកាលទី២ ដឹកនាំដោយ អ្នកនាង សំណាង ពុទ្ធានី តំណាងក្រុមហ៊ុន FUN Entertainment  នាថ្ងៃទី២៩ ខែមីនា ឆ្នាំ២០២១  ខណៈកម្មវិធីបានប្រកាសជ័យលាភីជាផ្លូវការនៅថ្ងៃទី១៩ ខែមីនា ឆ្នាំ២០២១ ដែលប្រារព្ធធ្វើ ឡើង ក្នុងស្ថានីយ៍ទូរទស្សន៍ជាតិកម្ពុជា។

ឯកឧត្តមរដ្ឋមន្រ្តី បានមានប្រសាសន៍ថា ជ័យលាភីចំណាត់ថ្នាក់លេខ ១ នៃធីតាឯកសង្ក្រាន្តនេះ បានជាតួអង្គទេពធីតា ឆ្នាំថ្មី២០២១ ដែលត្រូវថតចាក់ផ្សាយនៅលើកញ្ចក់ ទូរទស្សន៍ ជាតិកម្ពុជា។

អ្នកនាង សំណាង ពុទ្ធានី បានឱ្យដឹងថា  ព្រឹត្តិការណ៍ធីតាឯកសង្រ្កាន្ត រដូវកាលទី២នេះ ត្រូវបានរៀបចំ និងបង្កើតឡើង ដោយក្រុមហ៊ុន ហ្វឺស យូណាយ ណេតវើក  (FUN Entertainment)  ដោយមានការចូលរួមសហការ និងគាំទ្រ ពីខាងក្រសួងវប្បធម៌ និងវិចិត្រសិល្បៈ  ។  ពិធីនេះធ្វើឡើង ក្នុងគោលបំណងចូលរួមអបអរសាទរ ក្នុងឱកាស បុណ្យចូលឆ្នាំប្រពៃណីជាតិខ្មែរ និងចង់បញ្ជ្រាបនូវចំណេះដឹងអំពីវប្បធម៌  អរិយធម៌ ប្រវត្តិសាស្រ្ត ទាក់ទងនឹងបុត្រីទាំង ៧អង្គ របស់កបិលមហាព្រហ្ម ដែលទ្រង់នឹងយាង ចុះមកគ្រប់គ្រងជម្ពូរទ្វីប  ដោយមានយាន្តជំនិះជាសត្វ តែមិនមែនជាសត្វតំណាងឱ្យឆ្នាំទាំង ១២ នោះឡើយ ។ ចំពោះទេពធីតាឆ្នាំឆ្លូវ នាឆ្នាំ២០២១នេះ ជាបុត្រីទី៤ របស់កបិលមហាព្រហ្ម មានព្រះនាម មណ្ឌាទេវី មានសត្វជាយានជំនិះ គឺសត្វលា។  មួយវិញទៀត គឺចង់បង្ហាញពីការច្នៃប្រឌិត ក្នុងការ

រចនាសម្លៀកបំពាក់បុរាណ ដើម្បីឱ្យត្រូវទៅតាមក្បួនខ្នាត  របស់វប្បធម៌ខ្មែរ ដែលមានជាយូរយារណាស់មកហើយ ។

នៅក្នុងឱកាសនោះ អ្នកនាង សំណាង ពុទ្ធានី ក៏បានឱ្យដឹងដែរថា កម្មវិធីធីតាសង្ក្រាន្ត ក៏គ្រោងរៀបចំកម្មវិធីសប្បុរសធម៌ ៤ពាន់រៀល តាមប្រព័ន្ធអនឡាញនឹងចាប់ដំណើរការពីដើមខែមេសា រហូតដល់ ថ្ងៃទី២០ ខែមេសា ឆ្នាំ២០២១  ដើម្បីប្រមូលថវិកា យកទៅជួយក្រុមគ្រូពេទ្យជួរមុខ ដែលបានប្រឹងប្រែង ប្រយុទ្ធប្រឆាំង នឹងជំងឺកូវីត-១៩  ៕

VIVO War Zone by FUN Entertainment

កម្មវិធីចម្បាំងញាក់សាច់
???កម្មវិធីចម្បាំងញាក់សាច់បានមកដល់ហើយ!⚔️ //-----------------------------// ?តោះមកធ្វើការទស្សនា ហើយចូលរួមទស្សន៍ទាយទាំងអស់គ្នាថា #ក្រុមផ្កាឈូក ឬក៏ #ក្រុមខៀវ ដែរនឹងទទួលបានជ័យលាភី។? ?សម្រាប់អ្នកដែរធ្វើការទស្សនាក្នុងអំឡុងពេលចាក់បញ្ចាំងនេះដោយគ្រាន់តែធ្វើការចុច Like Share ហើយនឹង Comment ក្រុមណាដែរជាអ្នកឈ្នះ⚔️ ?លោកអ្នកនឹងមានឱកាសឈ្នះនូវរង្វាន់រួមមានដូចជា៖ #ស្មាតហ្វូនvivoY51 #កាស_Wireless_Sport កាដូផ្សេងៗជាច្រើនរង្វាន់ថែមទៀតផង!!??

Thida Ek Sankranta of 2021 has successfully finished

Thida Ek Sankranta of 2021 has successfully finished under the coordination of FUN Entertainment co. ltd

ភ្នំពេញ៖ កម្មវិធីជ្រើសរើស «ធីតាឯកសង្ក្រាន្ត» រដូវកាលទី២ ប្រចាំឆ្នាំឆ្លូវ នៃពុទ្ធសករាជ ២៥៦៥  ត្រូវបានប្រកាសជាផ្លូវការ​នៅថ្ងៃទី ១៩ ខែមីនា ឆ្នាំ២០២១ ដែលបានប្រារព្ធធ្វើឡើងក្នុងស្ថានីយ៏ទូរទស្សន៏ជាតិកម្ពុជា និងបានរកឃើញបេក្ខនារីដែរជាប់ជាជយលាភីទាំង៧រូប (TOP7) ដោយម្ចាស់មកុដបានទៅលើ កញ្ញា សាន្ត កុសុមៈ។ ព្រឹត្តិការណ៏ដ៏វិសេសវិសាលនេះ ត្រូវបានរៀបចំ នឹងបង្កើតឡើងដោយក្រុមហ៊ុន ហ្វឺស យូណាយ ណេតវើក អេនធើធិនម៉ិន ឯ.ក ហៅកាត់ថា (FUN Entertainment) ដោយមានការចូលរួមសហការ និងគាំទ្រ ពីខាងក្រសួងវប្បធម៌ និងវិចិត្រសិល្បៈ ក្រសួងព័ត៌មាន និងអគ្គនាយកដ្ឋានទូរទស្សន៏ជាតិកម្ពុជា ​ និងមានការចូលរួមឧបត្ថម្ភផ្នែកសម្លៀកបំពាក់បុរាណដ៏ប្រណីត ពីសំអាងការ ប្រសិទ្ធិសេរីផងដែរ។

ម្មវិធីជ្រើសរើស «ធីតាឯកសង្ក្រាន្ត» រដូវកាលទី២ ប្រចាំឆ្នាំឆ្លូវ នៃពុទ្ធសករាជ ២៥៦៥

ជយលាភីដែលជាធីតាឯកសង្រ្កាន្តនាឆ្នាំឆ្លូវ និងជាម្ចាស់មកុដបានទទួលនូវកម្រងផ្កាភួងដៃ ដែលមានការរចនាយ៉ាងប្រណីតជាមួយផ្ការំដួល ពីហាងកេសរផ្កា និងបាច់ផ្កាយ៉ាងពិសេសពីហាងផ្កា Lungdy Luy ជាមួយរង្វាន់ជាទឹកប្រាក់ ៣០០០ដុល្លារ នឹងវិញ្ញាបនប័ត្រពីក្រុមហ៊ុន ហ្វឺស យូណាយ ណេតវើក អេនធើធេនម៉ិន ឯ.ក។ ចំណែកឯជ័យលាភីទី២ ក៏ទទួលបាននូវកម្រងផ្កាភួងដៃ ដែលមានការរចនាជាមួយផ្ការ័ក្ស ពីហាងកេសរផ្កា និងបាច់ផ្កាពីហាង Lungdy Luy ជាមួយរង្វាន់ជាទឹកប្រាក់ ២០០០ដុល្លារ អមជាមួយវិញ្ញាបនប័ត្រ រីឯជយលាភីទី៣ ទទួលបានកម្រងផ្កាភួងដៃពិសេសពីហាងកេសរផ្កា និងបាច់ផ្កាពីហាង Lungdy Luy ជាមួយរង្វាន់ជាទឹកប្រាក់​ ១៥០០ដុល្លារ អមជាមួយវិញ្ញាបនប័ត្រ ពីក្រុមហ៊ុន ហ្វឺស យូណាយ ណេតវើក អេនធើធេនម៉ិន ឯ.ក ផងដែរ។

កញ្ញា សាន្ត កុសុមៈ ជយលាភីដែលជាធីតាឯកសង្រ្កាន្តនាឆ្នាំឆ្លូវ

កញ្ញា សាន្ត កុសុមៈ ជយលាភីដែលជាធីតាឯកសង្រ្កាន្តនាឆ្នាំឆ្លូវ

កម្មវិធីជ្រើសរើស «ធីតាឯកសង្ក្រាន្ត» រដូវកាលទី២ ប្រចាំឆ្នាំឆ្លូវ នៃពុទ្ធសករាជ ២៥៦៥

គោលបំណងក្នុងការបង្កើតកម្មវិធីប្រកួតជ្រើសរើស «ធីតាឯកសង្ក្រាន្តរដូវកាលទី២»​នេះ គឺដើម្បីចូលរួមអបអរសាទរ ក្នុងឱកាសបុណ្យចូលឆ្នាំប្រពៃណីជាតិខ្មែរ និងចង់បញ្រ្ចាបនូវចំណេះដឹងអំពីវប្បធម៌ អរិយធម៌ ប្រវត្តិសាស្រ្ត ទាក់ទងនឹងបុត្រីទាំង ៧អង្គ របស់កបិលមហាព្រហ្ម ដែលទ្រង់នឹងយាងចុះមកគ្រប់គ្រងជម្ពូរទ្វីប ដោយមានយាន្តជំនិះជាសត្វ តែមិនមែនជាសត្វតំណាងអោយឆ្នាំទាំង ១២ នោះឡើយ ព្រោះថាបុត្រីកបិលមហាព្រហ្មមានតែ ៧អង្គ មិនមែន ១២អង្គ។

កម្មវិធីជ្រើសរើស «ធីតាឯកសង្ក្រាន្ត» រដូវកាលទី២ ប្រចាំឆ្នាំឆ្លូវ នៃពុទ្ធសករាជ ២៥៦៥

កម្មវិធីជ្រើសរើស «ធីតាឯកសង្ក្រាន្ត» រដូវកាលទី២ ប្រចាំឆ្នាំឆ្លូវ នៃពុទ្ធសករាជ ២៥៦៥

កម្មវិធីជ្រើសរើស «ធីតាឯកសង្ក្រាន្ត» រដូវកាលទី២ ប្រចាំឆ្នាំឆ្លូវ នៃពុទ្ធសករាជ ២៥៦៥

កម្មវិធីជ្រើសរើស «ធីតាឯកសង្ក្រាន្ត» រដូវកាលទី២ ប្រចាំឆ្នាំឆ្លូវ នៃពុទ្ធសករាជ ២៥៦៥

កម្មវិធីជ្រើសរើស «ធីតាឯកសង្ក្រាន្ត» រដូវកាលទី២ ប្រចាំឆ្នាំឆ្លូវ នៃពុទ្ធសករាជ ២៥៦៥

ចំពោះទេពធីតាឆ្នាំឆ្លូវ នាឆ្នាំ២០២១​នេះ ជាបុត្រីទី៤ របស់កបិលមហាព្រហ្ម មានព្រះនាម មណ្ឌាទេវី មានសត្វជាយានជំនិះ គឺសត្វលា។ ទាំងអស់នេះ គឺជាចំណេះដឹង ដែលកូនខ្មែរគ្រប់ជំនាន់ត្រូវយល់ដឹង និងចងចាំទុក។ មួយវិញទៀត គឺយើងចង់បង្ហាញពីការច្នៃប្រឌិត ក្នុងការរចនាសម្លៀកបំពាក់បុរាណ ដើម្បីអោយត្រូវទៅតាមក្បួនខ្នាតរបស់វប្បធម៌យើង ដែលមានជាយូរយារណាស់មកហើយ ចំណែកឯមួយផ្នែកទៀត យើងចង់បង្ហាញ អំពីការលើកកម្ពស់ នឹងអោយតម្លៃដល់ស្រ្តី ក្នុងការចូលរួមកិច្ចការងារក្នុងសង្គម កិច្ចការងារមនុស្សធម៌ រួមទាំងការចែករំលែកនូវចំណេះដឹងទាក់ទង នឹងផលប៉ះពាល់ដល់បរិស្ថានដោយសារការប្រើប្រាស់ថង់ផ្លាស្ទិច ជាដើម។​

កម្មវិធីជ្រើសរើស «ធីតាឯកសង្ក្រាន្ត» រដូវកាលទី២ ប្រចាំឆ្នាំឆ្លូវ នៃពុទ្ធសករាជ ២៥៦៥

សូមបញ្ជាក់ផងដែលថា បេក្ខនារី ទាំង ៧រូប បន្ទាប់ពី ប្រកាសជាប់ជាជ័យលាភី នៅក្នុងកម្មវិធីប្រកួតប្រជែងមួយនេះ នឹងត្រូវក្លាយជាតួអង្គ ទេវតាឆ្នាំថ្មី ឆ្នាំឆ្លូវ ក្នុងឆ្នាំ២០២១ របស់ស្ថានីយ៏ទូរទស្សន៏ជាតិកម្ពុជា (ទទក)៕

Let’s vote for the top 14 fairies of Thida Ek Sankranta Season 2!

ភ្នំពេញ៖ កាលពីពេលថ្មីៗនេះ កម្មវិធីប្រកួតជ្រើសរើសធីតាឯកសង្ក្រាន្តរដូវកាលទី២ បានស្វែងរកនូវសមាសភាពបេក្ខនារីទាំង១៤ រូបជាផ្លូវការ បន្ទាប់ពីបានធ្វើការប្រកួតជម្រុះឆ្លងកាត់ជាច្រើនវគ្គកន្លងមក ដែលកម្មវិធីនេះបានប្រព្រឹត្តធ្វើឡើងនៅស្ថានីយ៍ទូរទស្សជាតិកម្ពុជា ដោយមានការរៀបចំឡើងដោយក្រុមហ៊ុន ហ្វាន់ អេនធើធិនម៉ិន (FUN Entertainment) និង មានការគាំទ្រ ចូលរួមសហការណ៍ពីក្រសួងវប្បធម៌ និងវិចិត្រសិល្បៈ ក្រសួងព័ត៌មាន និងទូរទស្សន៍ជាតិកម្ពុជាផងដែរ។ តាមការឲ្យដឹងពី អ្នកនាង សំណាង ពុទ្ធានី អ្នកតំណាងឲ្យក្រុមហ៊ុន ហ្វាន់ អេនធើធិនម៉ិន (FUN Entertainment) លើកឡើងថា បេក្ខនារីទាំង១៤រូប ដែលបានប្រកាសជាផ្លូវការក្នុងកម្មវិធីប្រកួតជ្រើសរើស «ធីតាឯកសង្ក្រាន្ត» រដូវកាលទី២នេះ គឺសុទ្ធសឹងជាសុភាពនារី ដែលមានសមត្ថភាព ទេពកោសល្យ និងមានសម្រស់ស្រស់ស្អាតពីធម្មជាតិ រួមទាំងមានចំណេះដឹងជ្រៅជ្រះ ទាំងភាសារជាតិ អន្តរជាតិ និងជំនាញសិល្បៈខុសគ្នារៀងៗខ្លួន ក៏ដូចជាយល់ដឹងច្បាស់ពី ពីវប្បធម៌ អរិយធម៌ខ្មែរដែលទាក់ទងនឹងពិធីបុណ្យចូលឆ្នាំប្រពៃណីខ្មែរជាតិយើងបានយ៉ាងច្បាស់ផងដែរ។ អ្នកនាងបានបន្តឲ្យដឹងថា កម្មវិធីប្រកួត «ធីតាឯកសង្រ្កាន្ត» ក្នុងឆ្នាំនេះ មានសកម្មភាពដ៏ពិសេសម្យ៉ាងគឺ ការហ្វឹកហាត់រាំរបាំប្រពៃណីខ្មែរ ដែលត្រូវតម្រូវឲ្យបេក្ខនារីទាំង១៤ រូបយកចិត្តទុកដាក់ និងពង្រឹងសមត្ថភាពប្រកួតប្រជែងឲ្យកាន់តែខ្លាំងក្លាដើម្បីឈានទៅកាន់វគ្គផ្តាច់ព្រ័ត្រ និងទទួលបាននូវជ័យលាភី។ ក្រៅពីនេះ បេក្ខនារីទាំងអស់ក៏បានចូលរួមក្នុងសកម្មភាពជាច្រើនដូចជា ការថតរូបផ្លូវការ ដំណើរកម្សាន្ត និងការបង្ហាញសមត្ថភាពពិសេសរបស់ខ្លួនជាដើម។            

គួររំលឹកផងដែរថា សម្រាប់ការប្រកួតជ្រើសរើសធីតាឯកសង្ក្រាន្ត មានអ្នកដាក់ពាក្យប្រមាណជាង២០០នាក់ ប៉ុន្តែមានតែ១៤នាក់ប៉ុណ្ណោះ ដែលត្រូវជាប់ជាបេក្ខនារីផ្លូវការរបស់កម្មវិធីនេះ។

សម្រាប់វគ្គផ្តាច់ព្រ័ត្រ ម្ចាស់ជ័យលាភីទាំង ៧នាក់ ទទួលបានឳកាសជ្រើសរើសក្នុងការថតសម្តែងជាតួអង្គទេពធីតាទាំង ៧អង្គ របស់កបិលមហាព្រហ្មសម្រាប់​ចាក់ផ្សាយក្នុងស្ថានីយ៏ទូរទស្សន៍​ជាតិកម្ពុជា ក្នុងថ្ងៃបុណ្យចូលឆ្នាំខ្មែរដែលនឹងចូលមកដល់ក្នុងពេលឆាប់ៗខាងមុខនេះផងដែរ៕

Flight to bring 55 children from 2 orphanage by . Cambodia Airways

ថ្ងៃទិវានៃក្តីស្រឡាញ់ទើបតែបានកន្លងផុតទៅហើយ ប៉ុន្តែការចែករំលែកសេចក្តីស្រឡាញ់គឺជាអ្វីដែលយើងអាចធ្វើបានរាល់ថ្ងៃ។ ក្រុមហ៊ុនអាកាសចរណ៍ខេមបូឌាអ៊ែរវ៉េបានជ្រើសរើសយកថ្ងៃទី ១៨ ខែកុម្ភៈឆ្នាំ ២០២១ ដើម្បីរៀបចំការហោះហើរបែបសប្បុរសធម៌មួយដើម្បីនាំកុមារចំនួន ៥៥ នាក់មកពីមណ្ឌលកុមារកំព្រាចំនួន ២ គឺកុឡាប៤ និងមណ្ឌលកុមារកំព្រាភ្នំពេញថ្មីដើម្បីទទួលបទពិសោធន៍ពីការហោះហើរនេះ។ ការហោះហើរលើកនេះនឹងចំណាយរយេៈពេល ១ ម៉ោងនិង ១5 នាទីដែលនឹងហោះចេញពីភ្នំពេញទៅក្រុងព្រះសីហនុទស្សនាក្រុងព្រះសីហនុពីលើមេឃបន្ទាប់មកត្រលប់មកវិញ។យើងបានអញ្ជើញកីឡាករបាល់ទាត់បឹងកេត និងធុចសាឡិចូលរួមផងដែរ។ គោលបំណងសំខាន់នៃកម្មវិធីសប្បុរសធម៌លើកនេះគឺការចែករំលែកបទពិសោធន៍។ មួយគឺដើម្បីផ្តល់នូវបទពិសោធន៍ដែលមិនអាចបំភ្លេចបាននៃការហោះហើរ ២គឺចែករំលែកបទពិសោធន៍រៀនភាសាបរទេសពីសាលីក។ ៣ គឺដើម្បីលើកទឹកចិត្តពួកគាត់ឱ្យធ្វើកីឡាដើម្បីការរីកលូតលាស់ប្រកបដោយសុខភាពល្អពីសំណាក់កីឡាករបាល់ទាត់បឹងកេត។ តាងនាមអោយកុមារទាំង៥៥នាក់ក្រុមហ៊ុនខេមបូឌាអ៊ែរវ៉េសូមថ្លែងអំណរគុណជាពិសេសដល់ក្រុមហ៊ុន ក្រុមហ៊ុន​ធានារ៉ាប់រង​ទូទៅ​ ស៊ី​ប៊ី, ក្រុមហ៊ុន ហ្វឺស យូណីត ត្រាវ៉ែល, wownow , ខេមបូឌាន អិចប្រេស, ក្រុមហ៊ុន ហ្វឺស យូណាយ ណេតវើក អេនធើធិនម៉ិន, ហ្គោលហ្សូនមេឌា និងព្រលានយន្តហោះកម្ពុជាដែលបានចូលរួមក្នុងព្រឹត្តិការណ៍ដ៏មានអត្ថន័យនេះជាមួយគ្នា។ ----------------------- Valentine’s day had just passed, but to share love is what we could do every day. Cambodia Airways has chosen 18th February 2021, to organize a charity flight to bring 55 children from 2 orphanage centers, Kolab4 and Phnom Penh Thmey to experience the flight. This flight will take 1hour and 15 minutes to fly from Phnom Penh to see Sihanoukville from the sky then come back. We also invite Thuch Salik and Boeung Ket football players to join as well. The main purpose of this charity is experience sharing. One is to provide an unforgettable experience of flying, 2 is to share learning foreign languages experience from Salik. 3 is to encourage them to do some sports for healthy growing up from Boeung Ket football players. On behalf of the 55 children, Cambodia Airways would like to express special thanks to CB General Insurance, First Unite Travel, wownow, Cambodian Express, First Unite Network Entertainment, Gold Zone media, and Cambodia Airports for participating in this meaningful event together.

FFG at Ganzberg Uber Concert

Beautiful Girl Group FGG’s presence will shake the Ganzberg Uber Concert ក្រុមតារាចម្រៀងស្រី FGG បានបង្ហាញវត្តមានជាលើកដំបូងនៅលើឆាកតន្ត្រី Ganzberg Uber Concert នារាត្រីចុងសប្តាហ៍នេះ ដោយបានលើកយកមកនូវបទចម្រៀងជាច្រើនបទ ទាំងការបកស្រាយបទចម្រៀងរួមគ្នា និងបង្ហាញក្បាច់រាំយ៉ាងទាក់ទាញ។ ដើម្បីបន្ថែមឲ្យកម្មវិធីកាន់តែសប្បាយរីករាយទៀតនោះ វត្តមានកំពូលតារាចម្រៀងស្រីសម្លេងផ្អែមកញ្ញា សុខ ពិសី ក៏បាននាំយកនូវបទចម្រៀងជាច្រើនបទ រួមទាំងការបង្ហាញនូវក្បាច់រាំយ៉ាងពិសេស ដែលជាទស្សនីយភាពប្លែកផងដែរ។ កាន់តែពិសេសនូវសប្តាហ៍នេះ ក៏មានវត្តមានរបស់តារាចម្រៀងប្រុសលោក ជ័យ សុវ៉ាត និងកញ្ញា អូនមាស ដោយតារាចម្រៀងទាំង ២ ដួងនេះ មិនត្រឹមតែបកស្រាយបទចម្រៀងប៉ុណ្ណោះទេ ថែមទាំងមានការលេងហ្គេមសប្បាយៗរួមជាមួយក្រុមស្រីស្អាត FGG ទៀតផង។ សូមកុំឲ្យទស្សនីយភាពពិសេសនៅក្នុងសប្តាហ៍នេះកន្លងផុត កុំភ្លេចរងចាំទស្សនា ក្នុងកម្មវិធីតន្ត្រី Ganzberg Uber Concert 2020 នៅថ្ងៃ អាទិត្យ ទី ២២ ខែ វិច្ឆិកា ឆ្នាំ ២០២០ ចាប់ពីវេលាម៉ោង ៨ យប់តទៅ នៅលើកញ្ចក់ទូរទស្សន៍ ភីអិនអិន

Official debut event of Girl Group FGG of FUN Entertainment Co, ltd

កម្មវិធីសម្ភាធ ក្រុមចម្រៀងនារីកម្ពុជា “FGG” របស់ក្រុមហ៊ុន ហ្វឺស យូណាយណេតវើក អេនធើធេនម៉ិន ឯ.ក

ភ្នំពេញ៖ នាយប់ថ្ងៃទី ០១ ខែ វិច្ឆិកា ឆ្នាំ ២០២០ កន្លងទៅនេះ ក្រុមហ៊ុន ហ្វាន់ អេនធើធិនម៉ិន បានរៀបចំកម្មវិធីសម្ភោធក្រុមចម្រៀងនារីកម្ពុជា “FGG”  រួមជាមួយបទចម្រៀងដែលជាស្នាដៃនិពន្ធថ្មីរបស់ក្រុមហ៊ុន ដែលមានចំណងជើង “​HEART BEAT” បានដាក់ចេញជាផ្លូវការ​ដោយជោគជ័យ នៅផ្សារទំនើបអ៊ីអនម៉ល សែនសុខ (ជាន់ផ្ទាល់ដី) ដោយមានការអញ្ជើញចូលរួម ពីសំណាក់ភ្ញៀវកិត្តិយស ដោយវត្តមានរបស់លោកជំទាវ កុច មារតី អគ្គនាយករងទូរទស្សន៏ជាតិកម្ពុជា, ព្រះនាងតូច នរោត្តម ចេនណា, អ្នកនាង អ៊ីង ស៊ែរ អគ្គនាយិការ ក្រុមហ៊ុន ហ្វាន់ អេនធើធិនម៉ិន,  អ្នកនាង សំណាង ពុទ្ធានី តំណាងក្រុមហ៊ុន ហ្វាន់ អេនធើធិនម៉ិន និងជាប្រធានផ្នែកទំនាក់ទំនងសាធារណៈ នឹងគ្រប់គ្រងផ្នែកប្រព័ន្ធផ្សព្វផ្សាយសង្គម រួមទាំងវត្តមានរបស់តារាកិត្តិយស និងតារាKOLs ប្រចាំប្រទេសកម្ពុជាជាច្រើនដូចជា  ពិធីករ និងពិធីការនីដ៏មានប្រជាប្រិយភាព កញ្ញា ជីមមី ម៉េង និងលោក ទ្រី ដារ៉ាវុធ, កញ្ញា រឿន ណាត បវកញ្ញាចក្រវាល ២០១៨ ប្រចាំកម្ពុជា, យុវជនសុឆន្ទៈ ធុច សាឡិ, តារាបង្ហាញម៉ូតកម្ពុជា កញ្ញា កែ ច័ន្ទកេសី, តារា TiKToK ដ៏ល្បីឈ្មោះ សុខលីន, លោក ផាត់ តាផូ និងសិល្បៈករ សិល្បៈការនី ជាច្រើនរូបទៀត។

កម្មវិធីសម្ភោធនេះធ្វើឡើង គឺដើម្បីឆ្លុះបញ្ចាំងអោយឃើញថា ក្រុមហ៊ុន ហ្វាន់ អេនធើធិនម៉ិន  បានយកចិត្តទុកដាក់ ក្នុងការចូលរួមពង្រឹងវិស័យសិល្បៈ និងចម្រៀងរបស់ជាតិ អោយកាន់តែមានគុណភាពល្អបន្ថែមទៀត។ ជាពិសេសក្រុមហ៊ុន បានផ្តោតខ្លាំងបំផុតគឺ ការនិពន្ធនូវទំនុកចម្រៀងដែលជាស្នាដៃថ្មី មិនមានការថតចម្លង ឬយកលំនាំតាមពីបរទេស ទាំងសាច់ភ្លេង និងក្បា​ច់រាំ។ មួយវិញទៀត ក្រុមហ៊ុនចង់ជម្រុញឲ្យក្រុមចម្រៀងនារីកម្ពុជាយើង ដែលមានឈ្មោះថា “FGG” ទទួលបាននូវឳកាសក្នុងការបញ្ចេញសមត្ថភាព ក៏ដូចជាទេពកោសល្យ ក្នុងការសម្ដែង ច្រៀង និងរាំ នៅលើឆាក ដើម្បី​ទទួលបាននូវការគាំទ្រ ស្រឡាញ់ និងរាប់អានពីទស្សនិកជន ក៏ដូចជាមហាជនផងដែរ។

គួរបញ្ជាក់ផងដែរថា ក្រុមហ៊ុន ហ្វាន់ អេនធើធេនម៉ិន (FUN Entertainment) ត្រូវបានបង្កើតឡើងនាដើមឆ្នាំ២០២០នឹងជាបុត្រសម្ព័ន្ធរបស់ក្រុមហ៊ុន ព្រីនស៏ ហូលឌីងគ្រុប ផងដែរ។ មិនត្រឹមតែប៉ុណ្ណោះ ក្រុមហ៊ុនបានប្រារព្ធនូវកម្មវិធីជ្រើសរើស “ធីតាឯកសង្រ្កាន្ត” ដែលជាសមិទ្ធិផលដ៏ជោគជ័យ នឹងមានមោទនៈភាពមួយ របស់ក្រុមហ៊ុន ហ្វាន់ អេនធើធិនម៉ិន កាលពីខែមេសា ឆ្នាំ២០២០ កន្លងទៅនេះ។ ដោយមានការចូលរួមដាក់ពាក្យពី បេក្ខនារីទូទាំងប្រទេសរាប់ពាន់នាក់ ហើយអ្វីជាពិសេសទៅទៀតនោះ ក្រុមហ៊ុនទទួលបានការចូលរួមសហការ នឹងគាំទ្រយ៉ាងពេញទំហឹងពីក្រសួងព័ត៌មាន និងអគ្គនាយកដ្ឋានទូរទស្សន៏ជាតិកម្ពុជាផងដែរ។

 

NATIONAL POLICE CHIEF WROTE A LETTER OF APPRECIATION TO NEAK OKNHA CHEN ZHI FOR HIS DONATION OF SUPPLIES TO FLOOD VICTIMS.

As Bon Om Touk, Cambodian traditional water festival, approaches, Neak Okhna Chen Zhi, Chairman of Prince Holding Group, continues to support the flood victims and improve the livelihood of the people affected by donating USD 58,000 to General Commisariat of National Police to purchase 100 tons of rice, 500 cartons of instant noodle and 1,000 cartons of bottled water. General Neth Savoeun, National Police Chief of Cambodia, signed a letter of appreciation to Neak Oknha Chen Zhi to express his gratitude towards the generous donation. អគ្គស្នងការដ្ឋាននគរបាលជាតិ ផ្ដល់ជូនលិខិតថ្លែងអំណរគុណដល់អ្នកឧកញ៉ា ចេន ហ្ស៊ី ចំពោះការផ្ដល់ជាជំនួយដល់ប្រជាជនរងគ្រោះដោយជំនន់ទឹកភ្លៀង។ ឆ្លៀតក្នុងឱកាសពិធីបុណ្យអុំទូក បណ្តែតប្រទីប សំពះព្រះខែ និងអកអំបុកនេះ អ្នកឧកញ៉ា ចេន ហ្ស៊ី ប្រធានក្រុមប្រឹក្សាភិបាលនៃក្រុមហ៊ុន ព្រីនស៍ ហូលឌីង គ្រុប បានជួយឧបត្ថម្ភថវិកាចំនួន៥៨.០០០ដុល្លារអាមេរិក(ហាសិបប្រាំបីពាន់) សម្រាប់ទិញអង្ករចំនួន ១០០ តោន មីចំនួន ៥០០ កេស និងទឹកបរិសុទ្ធចំនួន ១.០០០ កេស ជូនដល់អគ្គស្នងការដ្ឋាននគរបាលជាតិ ដើម្បីជួយជនរងគ្រោះដែលកំពុងជួបប្រទះនូវបាតុភូតធម្មជាតិគ្រោះទឹកជំនន់។ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការដ្ឋាននគរបាលជាតិ បានចុះហត្ថលេខាលើលិខិតថ្លែងអំណរគុណដោយផ្ទាល់ជូនអ្នកឧកញ៉ា ចេន ហ្ស៊ី ដើម្បីសម្ដែងអំណរគុណចំពោះទឹកចិត្តសប្បុរសធម៌របស់អ្នកឧកញ៉ា ចេន ហ្ស៊ី។

Girl Group FGG will have the first show in Cambodia to unleash the youth potential to fulfill their dream becoming super stars

ក្រុមចម្រៀងនារី «FGG» នឹងបង្ហាញវត្តមានឡើងក្នុងប្រទេសកម្ពុជា បើកឱកាសឲ្យយុវវ័យបញ្ចេញសមត្ថភាព និង សម្រេចក្តីស្រមៃ ចង់ក្លាយជាតារាល្បី

(ភ្នំពេញ)៖ ក្រុមហ៊ុន ហ្វឺស យូណាយណេតវើក អេនធើធេនម៉ិន ឯ.ក ហៅកាត់ថា ហ្វាន់ អេនធើធេនម៉ិន នឹងរៀបចំកម្មវិធីសម្ពោធបទចម្រៀងនិពន្ធថ្មី មានចំណងជើងថា «Heart Beat» និងក្រុមចម្រៀងនារីកម្ពុជា «FGG» ដើម្បីធ្វើការបង្ហាញនូវទេពកោសល្យនៃការច្រៀង បូករួមទាំងការសម្ដែង របស់ក្រុមតារាចម្រៀង នារីកម្ពុជាថ្មីមួយក្រុមនេះ ឲ្យមានការទទួលស្គាល់ ស្រឡាញ់ និងគាំទ្រ ពីសំណាក់មហាជន ក៏ដូចជា ការជួយជម្រុញលើកទឹកចិត្ត និងផ្ដល់នូវឱកាស និងអនាគតដ៏ល្អនៅក្នុងដំណើរឆ្ពោះ ទៅមុខជាបន្តបន្ទាប់ សម្រាប់ អាជីពជាតារារបស់យុវនារីកម្ពុជា មួយក្រុមនេះ។ កម្មវិធីសម្ពោធបទចម្រៀងនិពន្ធថ្មី មានចំណងជើងថា «Heart Beat» និងក្រុមចម្រៀងនារីកម្ពុជា ដែលមានឈ្មោះថា «FGG» (FUN Girls Group) នឹងប្រារព្ធធ្វើឡើង នៅថ្ងៃអាទិត្យ ទី០១ ខែវិច្ឆិកា ឆ្នាំ២០២០ ចាប់ពីម៉ោង ១៩៖០០នាទីយប់ ដល់ម៉ោង ២១៖៣០យប់ នៅផ្សារទំនើប អ៊ីអនម៉លសែនសុខ ជាន់ផ្ទាល់ដី (Central Court)។ ចំពោះភ្ញៀវដែលបានចូលរួមទស្សនា នឹងមានការផ្តល់ជូនជាវត្ថុអនុស្សាវរីយ៍ របស់ក្រុមចម្រៀង «FGG» ផងដែរ។ កម្មវិធីសម្ពោធនេះ នឹងមានការអញ្ជើញចូលរួម ក្រោមអធិបតីភាពពីសំណាក់លោក ឃឹម វុទ្ធី អគ្គនាយកនៃអគ្គនាយកដ្ឋានទូរទស្សន៍ជាតិកម្ពុជា, អ្នកនាង YIN Xia អគ្គនាយកក្រុមហ៊ុន ហ្វាន់ អេនធើធេនម៉ិន, អ្នកនាង សំណាង ពុទ្ធានី តំណាងក្រុមហ៊ុន ហ្វាន់ អេនធើធេនម៉ិន និងជាប្រធានផ្នែកទំនាក់ទំនងសាធារណៈ និងគ្រប់គ្រងផ្នែកប្រព័ន្ធផ្សព្វផ្សាយសង្គម គណៈប្រតិភូមកពីទូរទស្សន៍ជាតិកម្ពុជា និងបុគ្គលិកក្រុមហ៊ុន ហ្វាន់ អេនធើធេនម៉ិន (FUN Entertainment) ជាច្រើនរូបទៀត។ គួរបញ្ជាក់ថា កាលពីថ្ងៃទី ២៤ ខែតុលា ឆ្នាំ២០២០ ក្រុមចម្រៀងនារីកម្ពុជា «FGG» បានចូលរួមក្នុងកម្មវិធីប្រគំតន្រ្តី ខារ៉ាប៉ាវ (Carabao) របស់ស្ថានីយទូរទស្សន៍បាយ័នផងដែរ។ ក្រុមហ៊ុន ហ្វាន់ អេនធើធេនម៉ិន (FUN Entertainment) ត្រូវបានបង្កើតឡើងនាដើមឆ្នាំ២០២០។ ក្រុមហ៊ុននេះទទួលបានជោគជ័យយ៉ាងខ្លាំង ក្នុងការរៀបចំកម្មវិធីជ្រើសរើស «ធីតាឯកសង្រ្កាន្តឆ្នាំ២០២០» កាលពីខែមេសានេះ។ ក្រុមហ៊ុន ហ្វាន់ អេនធើធេនម៉ិន មានគោលបំណង ក្នុងការបណ្តុះបណ្តាលយុវជន យុវនារីគ្រប់រូប ដែលមានជំនាញ និងទេពកោសល្យ និងក្តីស្រមៃ ដែលចង់ក្លាយខ្លួនជាតារា ដើម្បីបញ្ចេញសមត្ថភាព លើឆាកជាតិ និងអន្តរជាតិ ហើយដើម្បីក្លាយខ្លួនជាផ្នែកមួយ ក្នុងការចែករំលែកនូវវប្បធម៌ អរិយធម៌ និងវិស័យទេសចរណ៍ជាតិ ឲ្យកាន់តែរីកសុះសាយ ទៅកាន់ឆាកអន្តរជាតិ។ កម្មវិធីសម្ពោធនេះធ្វើឡើង គឺដើម្បីបង្ហាញពីសមិទ្ធផលមួយដែលបានមកពីកិច្ចខំប្រឹងប្រែង ក្នុងការសម្រេចគោលដៅរបស់ក្រុមហ៊ុន ហ្វាន់ អេនធើធេនម៉ិន (FUN Entertainment)ផងដែរ។ សម្រាប់ព័ត៌មានបន្ថែមសូមទាក់ទងមក៖ ០៩៩ ៥៥៩ ០៩៩ / ០៨៧ ៥៥៩ ០៩៩